Gadael y cynllun

Llai na 2 flynedd (ac nid ydych wedi trosglwyddo hawliau pensiwn i mewn i’r Cynllun o rywle arall) 

Wedi i chi adael, mae gennych yr opsiynau canlynol: 

• Gallwch ofyn am eich cyfraniadau yn ôl  

• Efallai y gallwch drosglwyddo eich buddion at trefniant pensiwn newydd 

• Gallwch ohirio eich penderfyniad hyd nes eich bod yn gwybod beth hoffech ei wneud – gelwir hyn yn rhewi ad-daliad. Mae gennych uchafswm o 5 mlynedd ar ôl i chi adael i ddod i benderfyniad. 

2 flynedd neu fwy (neu rydych wedi trosglwyddo hawliau pensiwn i mewn i’r Cynllun o gynllun pensiwn arall) 

Wedi i chi adael, mae gennych ddau ddewis: 

• Gallwch ddewis cadw’ch pensiwn yn y Cynllun – gelwir hyn yn bensiwn gohiriedig. Mae pensiynau Cyfartaledd Cyflog Gyrfa wedi’i Adbrisio yn gallu mynd i lawr ac i fyny, ac mae hyn yn wir i aelodau actif ac aelodau gohiriedig. Mae eich pensiwn o’r Cynllun yn codi bob blwyddyn, yn unol â chostau byw a fesurir gan y Mynegai Prisiau Defnyddwyr (CPI). Unwaith y byddant yn cael eu talu, ni allant leihau, ac felly yn achos prin datchwyddiant ni fyddai eich pensiwn yn newid. 

• Efallai y byddwch yn gallu trosglwyddo eich pensiwn at drefniant pensiwn newydd, er, mewn rhai amgylchiadau efallai y bydd arnoch angen cael cyngor ariannol annibynnol, diduedd, cyn i chi allu gwneud hynny. 

Porwch drwy’r adrannau isod hefyd, sydd â rhagor o wybodaeth, er mwyn cael gwybod mwy am adael y CPLlL a’r camau nesaf y dylech eu cymryd os ydych yn dymuno trosglwyddo eich buddion. Os ydych yn dymuno cadw rhywfaint o arian i mewn yn y Cynllun, cewch hyd i wybodaeth am eich buddion gohiriedig hefyd.