Os ydych yn dymuno trosglwyddo eich pensiwn, dylech ddweud wrth eich cynllun newydd fod gennych fuddion yn y Cynllun Pensiwn. 

  • Byddant yn dod atom i ofyn am werth trosglwyddo ac yn dweud wrthych beth yw gwerth y buddion yn eu cynllun nhw.

  • Yna, bydd eich cyflogwr newydd neu gynllun pensiwn newydd yn gweithio gyda chi i weld a ydych yn dymuno bwrw ymlaen â’r trosglwyddiad.

  • Os ydych yn penderfynu eich bod eisiau bwrw ymlaen â’r trosglwyddiad byddant yn gofyn i ni dalu’r taliad trosglwyddo draw i’ch cynllun pensiwn newydd.

  • Efallai y bydd yna gyfyngiadau amser. Gwiriwch hyn gyda’ch cynllun newydd cyn gynted ag yr ymunwch chi. 

Mae penderfynu trosglwyddo eich buddion yn benderfyniad pwysig. Efallai yr hoffech gael cyngor ariannol annibynnol. 

Rhaid dewis trosglwyddo eich buddion (heblaw am Gyfraniadau Gwirfoddol Ychwanegol) o leiaf 12 mis cyn eich Oedran Pensiwn Arferol. 

Os gwneir taliad trosglwyddo llawn, ni fydd hawl gennych i unrhyw fuddion pellach o’r CPLlL i chi na’ch cymar, partner sifil cofrestredig nac, yn amodol ar delerau cymhwyso penodol, eich partner sy’n cydfyw â chi na’ch plant cymwys. 

Gallwch drosglwyddo eich pensiwn CPLlL at gynllun pensiwn tramor ar yr amod ei fod yn bodloni rhai amodau a osodir gan Gyllid a Thollau Ei Fawrhydi. 

Cewch fanylion perthnasol hefyd ar y wefan genedlaethol i aelodau’r CPLlL yng Nghymru a Lloegr. 

Swyddi niferus 

Os ydych yn aelod o’r Cynllun ar gyfer mwy nag un swydd, ac yn gadael un ohonynt, gallwch ddewis budd gohiriedig ar gyfer yr hawl hwn (gan ddibynnu ar hyd eich aelodaeth) neu gallwch drosglwyddo’r aelodaeth at swydd arall. 

Ad-daliadau

Rhaid bod gennych lai na 2 flynedd o aelodaeth gyda’r Cynllun, a rhaid eich bod heb drosglwyddo buddion i mewn o gynllun pensiwn arall, er mwyn i chi gael eich cyfraniadau yn ôl. 

Gellir ad-dalu eich cyfraniadau chi yn unig ac nid cyfraniadau eich cyflogwr. Tynnir swm o’ch cyfrif i wneud iawn am y rhyddhad treth ac, os yn berthnasol, Yswiriant Gwladol. 

Dolenni defnyddiol

Gwefannau’r llywodraeth am bensiynau

Direct.gov

Gwybodaeth gan y llywodraeth a gwasanaethau cyhoeddus ar-lein. 

Adran Gwaith a Phensiynau 

Yr Adran Gwaith a Phensiynau 

Cyllid a Thollau Ei Fawrhydi 

Mae Cyllid a Thollau Ei Fawrhydi yn sicrhau y telir y dreth gywir ar yr adeg iawn. 

HelpwrArian 

Mae HelpwrArian yn dod â chanllawiau yn ymwneud ag arian a phensiynau at ei gilydd fel ei bod yn haws ac yn gyflymach dod o hyd i’r cymorth iawn. Mae’n dod â chymorth a gwasanaethau tri darparwr canllawiau ariannol a gefnogir gan y llywodraeth, at ei gilydd mewn un man: Y Gwasanaeth Cynghori Ariannol, Y Gwasanaeth Cynghori ar Bensiynau a Pension Wise. 

Mae adnoddau rhad ac am ddim fel HelpwrArian neu wefan y Cynllun Pensiwn Llywodraeth Leol yn wych. Gallant eich helpu i feithrin eich gwybodaeth am bensiynau a’ch tywys trwy’r materion pwysig yr ydych yn eu hwynebu wrth i chi ymddeol. Yn hytrach na rhoi arweiniad cyffredinol i chi, bydd Cynghorydd Ariannol Annibynnol yn edrych ar eich amgylchiadau unigol, eich sefyllfa ariannol a’ch nod wedi ymddeol, ac yn cynnig argymhelliad sy’n benodol i’ch sefyllfa bersonol chi. Ni fydd pob un eisiau talu am wasanaeth Cynghorydd Ariannol Annibynnol, ond os ydych yn dymuno talu, yna mae’n hanfodol eich bod yn defnyddio un sydd wedi’i reoleiddio gan yr Awdurdod Ymddygiad Ariannol. Os oes arnoch angen cyngor am drosglwyddo eich cynilion pensiwn, dylech siarad â Chynghorydd Ariannol Annibynnol sydd â chymhwyster yn y maes hwn. 

Gallwch ddod o hyd i Gynghorydd Ariannol Annibynnol lleol sydd wedi’i reoleiddio gan yr Awdurdod Ymddygiad Ariannol, trwy ddefnyddio teclyn o’r enw ‘Darganfod ymgynghorydd ymddeoliad’ sydd ar gael gan HelpwrArian. 

Y Gwasanaeth Pensiwn 

Am wybodaeth am bensiynau’r wladwriaeth, cysylltwch â’r Gwasanaeth Pensiwn. Gallwch ddarganfod ar ba oed y gallwch hawlio pensiwn y wladwriaeth. 

Y Gwasanaeth Olrhain Pensiwn 

Os oeddech yn aelod o gynllun arall yn y gorffennol, ac rydych wedi colli cysylltiad â nhw, yna dylai’r corff canolog hwn fod yn gallu eich helpu i ddod o hyd iddynt. 

Y Rheoleiddiwr Pensiynau 

Mae’r Rheoleiddiwr Pensiynau yn wylgi pensiynau sy’n sicrhau bod cynlluniau yn cael eu rhedeg yn iawn. Mae hefyd yn amddiffyn aelodau rhag twyll. Gall unrhyw un sy’n pryderu am gynllun ‘chwythu’r chwiban’ wrth y Rheoleiddiwr Pensiynau. 

Yr Ombwdsmon Pensiynau 

Sefydlwyd yr Ombwdsmon Pensiynau o dan y Ddeddf Pensiynau, ac mae’n gallu ymchwilio i unrhyw gŵyn neu anghydfod neu ffaith gyfreithiol sy’n ymwneud â’ch cynllun pensiwn, a’u pennu. 

 

Gwybodaeth am y Cynllun Pensiwn Llywodraeth Leol

Y Cynllun Pensiwn Llywodraeth Leol. 

Mae’r wefan hon ar gyfer cyflogeion yng Nghymru a Lloegr, ac mae’n rhoi’r wybodaeth ddiweddaraf am y CPLlL newydd sy’n berthnasol er 1 Ebrill 2014. 

Adroddiad Blynyddol Y Cynllun Pensiwn Llywodraeth Leol 

Yr Adroddiad Blynyddol diweddaraf ar gyfer Y Cynllun Pensiwn Llywodraeth Leol (CPLlL) yng Nghymru a Lloegr. 

Gwefannau gwasanaethau ariannol

Unbiased.co.uk

Chwiliwch am gynghorydd ariannol annibynnol. Sicrhewch eu bod yn deall y CPLlL. 

Yr Awdurdod Ymddygiad Ariannol 

Gwybodaeth am wasanaethau ariannol y Deyrnas Unedig. Cynnyrch ariannol a chyngor am arbed arian. 

Money Magpie

Gwefan ariannol hunan-gymorth flaenllaw’r Deyrnas Unedig. 

Money Saving Expert

Ewch i’r wefan hon am gyngor am leihau eich costau.  

Gwefannau defnyddiol eraill

Pwyllgor Pensiynau Llywodraeth Leol

Cymorth i awdurdodau lleol yn eu rôl adnoddau dynol. Maent yn helpu trwy ddarparu cyngor a gwybodaeth arbenigol ar reoli a datblygu pobl mewn llywodraeth leol ac arwain y broses o ffurfio polisïau am rai o’r materion sy’n gysylltiedig â chyflogwyr. 

Yr Adran Ffyniant Bro, Tai a Chymunedau  

Mae’r adran hon yn gyfrifol am feysydd polisi yr Adran dros Drafnidiaeth, Llywodraeth Leol a’r Rhanbarthau gynt a’r Swyddfa Cabinet. 

Age UK

Mae Age Concern yn cefnogi pob un dros 50 yn y Deyrnas Unedig, gan sicrhau eu bod yn cael y gorau o fywyd. Maent yn darparu gwasanaethau hanfodol, er enghraifft gofal dydd a gwybodaeth. Maent hefyd yn ymgyrchu dros faterion fel gwahaniaethu ar sail oed a phensiynau, ac yn gweithio i ddylanwadu ar farn y cyhoedd a pholisi’r llywodraeth mewn perthynas â phobl hŷn.

Cyngor ar Bopeth 

Mae’r gwasanaeth Cyngor ar Bopeth yn helpu pobl i ddatrys eu problemau cyfreithiol ac ariannol a phroblemau eraill, trwy ddarparu gwybodaeth a chyngor rhad ac am ddim o dros 3,000 o leoliadau, a thrwy ddylanwadu ar y rheiny sy’n llunio polisïau. Gallwch ddod o hyd i fanylion swyddfeydd Cyngor ar Bopeth lleol trwy fynd i wefan Cyngor ar Bopeth. 

Phoenix Life 

Cyngor defnyddiol er mwyn adnabod sgamiau yn ymwneud â phensiynau, a’u hosgoi.